डोळे येणे म्हणजे काय? डोळे येण्याची लक्षणे, कारणे, हे घरगुती उपाय करा आराम मिळेल | Conjunctivitis in Marathi

कंजक्टिवाइटिस (डोळे येणे) :

 सध्या सर्वत्र डोळे येण्याच्या (Conjunctivitis) साथीचे रुग्ण आढळून येत आहेत. यामध्ये लहान मुलांचा जास्त समावेश आहे. डोळे येणे ही एक व्हायरल इन्फेक्शन चा प्रकार असल्यामुळे यामध्ये अनेक रुग्णांची झपाट्याने वाढ होत चालली आहे. चला तर मग यासाठी काय उपाय आहेत पाहू.

• डोळे कशामुळे येतात? डोळे येण्याची लक्षणे? (कंजक्टिवाइटिस) - 

एखाद्या अशा व्यक्तीच्या संपर्कात आल्यावर ज्याला वायरल किंवा बॅक्टीरियल इन्फेक्शन होऊन डोळे आले आहेत. एखाद्या एलर्जी असलेल्या गोष्टीच्या संपर्कात येऊन तुम्हाला एलर्जिक इन्फेक्शन होऊन डोळे येऊ शकतात.

रसायनांच्या एक्सपोझर मुळे डोळे येणे, जसे स्विमिंग पूल मधील पाण्यामध्ये उपलब्ध असलेल्या क्लोरीन मुळे  डोळ्यावर इन्फेक्शन होऊन डोळे येऊ शकतात.

कॉन्टॅक्ट लेन्स च्या वापरामुळे डोळे येणे, काँटॅक्ट लेन्स चा सतत वापर केल्यामुळे डोळे येऊ शकतात.

Conjunctivitis in Marathi

• डोळे येणे संसर्गाचा प्रसार कसा टाळायचा?

डोळे येण्याला (कंजक्टिवाइटिस) रोखण्यासाठी स्वच्छता सर्वात जास्त आवश्यक आहे, त्याशिवाय पुढील गोष्टी ध्यानात ठेवा.

आपल्या हातांनी आपल्या डोळ्यांना सारखे स्पर्श करू नका.

जेव्हा आवश्यक असेल तेव्हा आपले हात धुवा.

टॉवेल, उशी, डोळ्यांचे सौंदर्य प्रसाधने इत्यादी तुमच्या वैयक्तिक गोष्टी कोणाशीही शेअर करू नका किंवा इतर कोणाच्या वापरू नका.

तुमचे रुमाल, उशीचे कव्हर, टॉवेल इत्यादी रोज धुवा.

• डोळे आल्यावर कोणत्या बाबतीत डॉक्टरांचा सल्ला घ्यावा?

पुढील लक्षणे आढळल्यास त्वरित डॉक्टरांचा सल्ला घ्या

डोळ्यांमध्ये तीव्र वेदना होत असेल तर,

डोळ्यांमध्ये तीक्ष्ण खळबळ,

धूसर दृष्टी,

प्रकाशाची संवेदनशीलता,

डोळे जास्त लालसरपणा.

• डोळे आल्यावर कोणते उपाय करावे? 

डोळे हे अनेक कारणांमुळे येतात, त्यामुळे त्याचा उपचार त्याच्या कारणावर अवलंबून असतो.

बहुतेक प्रकरणांमध्ये, रसायनांच्या संपर्कात आल्याने डोळे येतात अशा स्थितीत 1-2 दिवसात आपोआप बरे होऊन जातात.

इतर कारणांमुळे डोळे आले असतील तर त्यासाठी विशिष्ट उपचार पर्याय उपलब्ध आहेत.

- व्हायरल इन्फेक्शन होऊन डोळे येणे:

 व्हायरल इन्फेक्शन होऊन डोळे आले तर त्यासाठी कोणताही उपचार उपलब्ध नाही. त्याची लक्षणे 7-8 दिवसांत आपोआप सुधारतात. उबदार मऊ कापड या (कपडे कोमट पाण्यात बुडवून डोळ्यांवर ठेवलेले) लक्षणांमध्ये आराम देतात.

- बॅक्टरियल इन्फेक्शन होऊन डोळे येणे:

बॅक्टरियल इन्फेक्शन होऊन डोळे येण्याच्या संसर्गात पुढील सर्वात सामान्य उपचार आहेत. बॅक्टरियल इन्फेक्शन मध्ये अँटीबायोटिक डोळ्याचे ड्रॉप्स आणि मलम (मलम/जेल) वापरल्याने, डोळे काही दिवसात बरे आणि निरोगी होतात.

- एलर्जी असल्याने डोळे येणे:

 काही गोष्टींची एलर्जी असल्याने डोळे आल्यावर, इतर लक्षणांसह डोळ्यांना सूज येते. म्हणून, त्याच्या उपचारात अँटी-हिस्टामाइन आय ड्रॉप्ससह अँटी-इंफ्लेमेटरी आय ड्रॉप्स देखील दिले जातात.